"Милан" ёзги трансферларга қанча бюджет ажратиши маълум бўлди

"РБ Лейпциг" собиқ бош мураббийи Ральф Рангник "Милан" бошқарувига келиши мумкин.

La Gazzetta dello Sport нашри журналисти Карло Лаудиса маълумотига кўра, "россонерилар" ёзда трансферлар учун 75 миллион евро ажратишга тайёр. Ушбу рақам футболчилар сотувидан олинадиган даромадлар ҳисобга олинмаган ҳолда кўрсатилган.

Таъкидланишича, "Милан" Рангник билан бюджет тафсилотларини муҳокама қилмоқчи. Унга футболчилар танлови бўйича барча ваколатлар берилади.