"Милан"нинг собиқ футболчиси "Фиорентина" билан шартнома имзолади

"Милан"нинг собиқ ярим ҳимоячиси Жакомо Бонавентура энди "Фиорентина"да тўп суради. Бу ҳақда клуб расмий сайти хабар тарқатмоқда.

Эркин агент ҳисобланган 31 ёшли футболчи флоренцияликлар сафига текинга бориб қўшилди ва 2022 йилгача шартнома имзолади. Унинг йиллик маоши эса 1,8 млн еврони ташкил этади.

Бонавентура 2014-2020 йилларда “Милан” сафида тўп сурди ва 184 та ўйинда майдонга тушиб, ўз ҳисобига 35 та гол ҳамда 30 та голли узатмага муаллифлик қилди.