Миржалол Қосимов: «Худо хоҳласа чемпионатда яхши қатнашиб, келаси йили ОЧЛда яна кўришамиз»

Осиё чемпионлар лигаси гуруҳ босқичи ўрин олган АГМК ва "Истиқлол" жамоалари ўртасидаги ўйиндан сўнг, матбуот анжуманида олмалиқликлар  бош мураббийи Миржалол Қосимов қатнашиб қуйидаги фикрларни билдириб ўтди.

– Ўйин кутилганидек қизиқарли ва шиддатли ўтди. Буни кечаги матбуот анжуманида ҳам таъкидлаб ўтгандим. Кеча айтганимдек, АГМК мухлислар учун ғалабага ўйнади ва жамоа ғурурини ҳимоя қилиш учун ҳам курашди. АГМК мусобақа давомида жамоамизни қўллаб-қувватлаган барча мухлисларга миннатдорлик билдиради. Биз биргина мухлис бизга ишқибозлик қилса ҳам ғалаба учун майдонга чиқамиз.

Албатта, бугунги баҳс ҳам оғир бўлди. Фурсатдан фойдаланиб, "Истиқлол" клубини плей-офф босқичи йўлланмасини қўлга киритгани билан жамоамиз номидан табриклайман.

Биз жойлашган "квартет" жуда кучли гуруҳ эди. Футболда кимдир ютади, кимдир ютқазади. Ҳаттоки, "Ал-Ҳилол"дек кучли жамоанинг тақдири бошқа гуруҳдаги ўйинга боғланиб қолди.

Мусобақани юқори даражада ташкил этган мутасаддиларга миннатдорчилик билдираман. Ҳаёт эса давом этади. Энди бор эътиборни ички чемпионатга қаратамиз. Худо хоҳласа бу йил чемпионатда яхши ҳаракат қилсак, келаси мавсумда яна ОЧЛ мусобақасида кўришамиз, деган умиддаман.

— Деярли 3 ҳафта давомида зич тақвимда 6та учрашув ўтказилди. Шундай бўлсада, футболчиларнинг ҳаракатидан қониқдингизми?

— Биз ўйинларни таҳлил қилиб чиқамиз. Бунинг учун бизга бироз вақт керак. Фурсатдан фойдаланиб футболчиларга раҳмат айтаман ҳамда уларга миннатдорчилик билдираман. Футболчилар ҳар қандай ҳолатда ҳам охиригача курашишди. Бизни чемпионат ўйинлари кутмоқда. Дам олишга вақт йўқ. Лекин шунга қарамасдан йигитлар бўлажак ўйинларга тайёр. Биз жиддий гуруҳдан ўрин олиб, кучли жамоалар билан ўйнадик ҳамда бу футболчиларга ўзига хос мактаб бўлди ва ушбу мусобақа уларни келажакда ўсишларига ёрдам беради, деб ўйлайман.

— Жамоаингиздаги барча футболчиларга имконият бердингиз. Хусусан ёш футболчилар ҳам майдонга тушишди. Бу жиҳат уларга келажакда ас қотадими?

— Албатта бу ас қотади. Бундай нуфузли мусобақада кучли жамоалар билан беллашиш, курашиш уларга келажакда футболчи сифатида ўсишларига ёрдам беради. Улар ҳам мусобақадаги иштирокидан тўғри хулоса қилиб, қаерга интилиш кераклигини тушуниб олишади, деб ўйлайман. Спорт бу курашиш дегани. Доим юқорига курашиб, чўққига интилиш керак.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Турсун Ғани
01/05/2021 23:19
НИМА БЎЛГАН ТАҚДИРДА ҲАМ БУ ЙИЛГИ ОЧЛ ЯНА КЎРСАТИБ БЕРДИ БИЗНИНГ ФУТБОЛИМИЗНИ БУГУНГИ КУНДАГИ АҲВОЛИНИ, МАВҚИЙИНИ. АЧЧИҚ ҲАҚИҚАТ ШУ КИ АҲВОЛ БОРГАН САРИ ЁМОНЛАШИБ БОРМОҚДА ЎЗБЕК ФУТБОЛИДА. ЎФА ВА ПФЛ ХОДИМЛАРИ ЎЗ ВАҚТИДА КЎЗЛАРИНИ ОЧИШМАСА, РИВОЖЛАНИШНИНГ ЯНГИ БОСҚИЧИ ТОМОН ЮРИШМАСА, БУ ҲОЛ ДАВОМ ЭТАВЕРСА, БИЗ УЧУН КЕЛАЙОТГАН ЖЧ САРАЛАШИ ҲАМ ҲУДДИ ШУНДАЙ НУРСИЗ ЎТИБ, ЯНА ЖЧ СИЗ ҚОЛИБ КЕТИШИМИЗ МУМКИН, ҲАТТО ФУТБОЛ ТОЖИКИСТОНДА ҲАМ РИВОЖЛАНИБ БОРМОҚДА, БАС ШУНДАЙ ЭКАН КЎЗЛАРИНИ ВАҚТИДА ОЧМАСА ФУТБОЛИМИЗ МЦТАСАДДИЛАРИ ЭРТАГА КЕЧ БЎЛИБ ҚОЛИШИ ҲЕЧ ГАПМАС. АҲИР ҚАНЧАДАН ҚАНЧА МУХЛИСЛАР ЎЗБ.НИ ЖЧ ДА КЎРАРМИКИНМИЗ ДЕБ УМРЛАРИ ЎТИБ, БАЪЗИЛАРИ ЎЗЛАРИ ҲАМ БУ ҲАЁТДАН ЎТИБ КЕТДИЛАР. ШУНДАЙ МУҲЛИСЛАРНИ ШАҲСАН МЕН ЎЗИМ ТАНИР ЭДИМ. НИМА ЭНДИ БИЗ ҲАМ ЖЧ ЛАРНИ КЎРМАЙ КЕТАЙЛИКМИ. ҲАЛОЛЛИК ВА АДОЛАТНИ БИРИНЧИ ЎРИНГА ЧИҚАРИШ ВАҚТЛАРИ ҲАМ ЕТИБ КЕЛГАНДИР АҲИР, ҚАЧОНГАЧА МУҲЛИСЛАР НОРОЗИ БУЛАДИ АДОЛАТ ЙЎҚ, ТАНШ БЛИШЧИЛИК КАРУПСИЯ БЎЛМОҚДА ДЕБ. ҲАЛОЛЛИК ВА АДОЛАТ БЎЛСА ЖЧ ГА ҲАМ ЧИҚАРМИЗ ЭҲТИМОЛ...... КУТИБ ҚОЛАМИЗ, САБР ҚИЛАМИЗ ЯНА ВА ЯНА...
Akbarali Abdunazarov
01/05/2021 17:58
УФАга Р.Акрамов, хакамликмфаолиятини тугатган Н.Лутфулин, К.Смирновга ухшаган инсонларни куйиш керак!
Abbos Axmedov
01/05/2021 15:31
Уффа ва пфрл дагилар ўзларидан олдинги бўлган инсонларни айблаб айбларни ўшаларга тўнкашга харакат қилади ва ўзлари олиб борайоткан ишни махташади масалан Дийор имом хўжаев мақтанчо озгина йошли қиляти хозирги лавозимига
Baxil Alihuja
01/05/2021 13:03
Миржалол акага рахмат! Клубларимизни шарманда булишида Миржалол акани айби йук. ПФЛ ва УФ Ассоциа даги харомхур хоинлар бироз харакат килишганда эди. Термамиз ЖЧ га хам чикар эди, клубларимиз ОЧЛ финалига хам чикар эди!

Минбар

Барча блоглар