Модрич “Реал”дан тезда кетадиган бўляпти

“Реал” ярим ҳимоячиси Лука Модрич январь ойида Мадридни тарк этиши кутиляпти. Бу ҳақда Relevo нашри хабар берди.

Хорватиялик футболчи бу мавсум “Реал”нинг асосий фигуралари сафидан чиқарилди. Модрич ўзи ўйнаган учрашувларнинг 66 фоизида захирадан майдонга туширилди.

Карло Анчелотти ёши ўтиб қолган юлдузга етарли даражада ўйин амалиёти бермаяпти.

Айрим манбалар Лука одрия Саудия Арабистони клублари билан музокараларни бошлаб юборганини ёзмоқда.

Агар музокаралар муваффақиятли тугаса, Модрич Мадридни тарк этади. Зотан, хорватиялик юлдузнинг амалдаги шартномаси ёзда тугайди ва “Реал” бу ўйинчига янги битим бермаслиги эҳтимоли жуда юқори.