Моуриньога қандай ҳужумчи эканимни кўрсатиб қўяман!
“Реал” тарбияланувчиси Борзха Майораль жорий мавсумда “Рома” асосий таркибига кира олмаганидан кейин қишки трансферлар вақтида “Хетафе”га ўтиб кетди.
Ўтган мавсумда “Рома”нинг асосий тўпурари бўлган футболчи Рим жамоасини Жозе Моуриньо қабул қилиб олганидан кейин етарли даражада ўйин амалиётига эга бўлмади. Аввалига футболчининг трансфер ҳуқуқини 20 миллион еврога сотиб олмоқчи бўлган “бўрилар” португалиялик мутахассис тавсияси билан бу фикрдан қайтди.
Борха Майораль “Хетафе”га кўчиб ўтганидан кейин “Рома”да вазият бўйича изоҳ берди.
- Ҳозир иштиёқни ҳис қиляпман, чунки бир неча ой мобайнида мириқиб футбол ўйнай олмаётган эдим. Бундан ташқари, “Рома” мен ҳақли бўлган ўйин вақтини бермаганидан ҳам ғазабдаман.
Мен узоқ муддат ҳиссиётларимни жиловлаб келдим, энди эса “Рома”га қандай ҳужумчи эканимни исботлаб қўйишга қодирлигимни кўрсатиб қўмоқчи эканимни яширмайман. Мақсадим – Испания терма жамоасига кириш ва бу орзу ушалиши учун қўлимдан келганини қиламан, - деди Борха Майораль.
Жорий мавсумда испан ҳужумчиси “Рома” сафида 13 та учрашувда майдонга тушиб, ўз ҳисобига бир жуфт гол ва битта голли пас ёздириб қўйди.
Асли “Реал”га тегишли бўлган Майораль мавсум охиригача “Хетафе”да ўйнайди ва кейин Мадридга қайтиб келади. Унинг “Рома” билан йўллари бошқа кесишмайди.
“Рома” ўйинчиси: Италия чемпионатини менсишмаяпти!
“Манчестер Юнайтед”да юлдузли онларини ўтказган Крис Смоллинг ҳозирги пайтда “Рома” шарафини ҳимоя қилмоқда. Тажрибали ҳимоячи Италия чемпионати ҳақида фикр-мулоҳазаларини билдирди.
- Италия чемпионатини менсишмаяпти. “Рома”га ўтишдан олдин кўп учрашувларни томоша қилиб чиқдим. Менимча, А Серия ўсишда давом этмоқда, - деди англиялик футболчи.
Крис Смоллинг ўн йил давомида “Манчестер Сити” шарафини ҳимоя қилганидан кейин 2019 йили Римга кўчиб келди. “Рома” дастлаб уни ижарага олиб, кейинчалик 15 миллион еврога унинг трансфер ҳуқуқини тўлиқ сотиб олди.
32 ёшли футболчининг амалдаги битими 2023 йилнинг июнигача давом этади. Жорий мавсумда Смоллинг барча турнирларда 17 маротаба майдонга тушиб, учта гол уришга эришди.
“Рома”да футболни ёмон кўриб қолдим!
“Рома”дан “Марсель”га кўчиб ўтган испаниялик дарвозабон Пау Лопес Рим клубида футболга бўлган қизиқиши йўқолганини таъкидлади.
- “Рома”да футболга иштиёқни йўқотиб қўйдим. Мен машғулотларда роҳатланмай қўйдим. Ўзимни машғулотлардан чиқиб, уйга йўл олгандагина бахтиёр ҳис қилардим.
“Рома” мунтазам халқаро майдонда ўйнайдиган катта клуб бўлишига қарамай, футболга қизиқишни йўқотганингдан кейин бери бефойда бўлиб қолади, - деди Пау Лопес.
27 дарвозабон “Марсель”дан таклиф ўз вақтида бўлгани айтди. Франция клуби уни аввалига ижарага олиб, январда трансферини тўлиқ сотиб олди.
Пеллегрини “Интер”га қарши ўйинга тайёрланади
“Рома” сардори Лоренцо Пеллегрини индивидуал машғулотларга қайтди. 25 ёшли ўйинчини аввал олган жароҳати безовта қилгани учун маълум муддат даволанишига тўғри келганди.
Il Messaggero нашрининг хабар беришича, Пеллегрини спорт формасини кутилганидан тез тикланмоқда ва А Сериянинг навбатдаги турида “Женоа”га қарши бўладиган ўйин қайдномасига киритилади. Пеллегрини генуяликларга қарши баҳсда захирада ўтириши айтилмоқда.
Маълумотларга қараганда, Жозе Моуриньо жамоа етакчисидан Италия кубогининг “Интер”га қарши бўладиган ўйинида фойдаланмоқчи. Бу баҳс 8 февралга белгиланган.
Жорий мавсумда Пеллегрини жами 20 та учрашувда қатнашиб, ўз ҳисобига тўққизта гол ва бешта голли пас ёздириб қўйди.
Фикрлар