Муҳаммадни Мадридда кутишмоқда

"Вальядолид" ҳимоячиси Муҳаммад Салисуга Мадриднинг "Реал" ва "Атлетико" клуби қизиқиш билдирмоқда. "The Athletic" нашри тарқатган хабарга кўра, пойтахтликлар ушбу футболчини яқин трансфер ойнаси вақтида ўз сафларига қўшиб олишни режалаштирмоқда.

Маълумот учун, жорий мавсум 20 ёшли футболчи Испания Ла Лигасида 26 баҳсда майдонга тушди ва 1 та гол киритиб, 1 та голли узатмани амалга оширди.

Ганалик иқтидор эгасининг "Вальядолид" билан амалдаги шартномаси 2022 йилнинг ёзида ниҳоясига етади. Унинг трансфер нархи эса 11 млн евро деб баҳоланмоқда.