Муҳаммадни Манчестерда кутишяпти

“Манчестер Юнайтед” бош мураббийи Эрик тен Хаг собиқ жамоаси “Аякс”дан яна бир футболчини олиб келишга қарор қилди.

Бу гал манчестерликлар устози ганалик ҳужумчи Муҳаммад Қуддусни нишонга олди. 22 ёшли футболчи Қатарда ўтказилган жаҳон чемпионатида ёрқин ўйин кўрсатиб, тўпурарлик маҳоратини намойиш қилган эди.

Муҳаммад майдон маркази ва ҳужум чизиғида бир неча позицияда ўйнай олади. Айнан мана шу хусусияти манчестерликларга маъқул келмоқда.

“Аякс” раҳбарияти икки йил муқаддам  ўн миллион еврога олиб келинган Қуддусни қўйиб юбориш учун камида тўрт баравар кўп маблағ талаб қилмоқда.