Мухлис Роналдуга таъзим қилди

Португалия терма жамоаси мухлиси жамоанинг Босния билан ўйинида майдонга югуриб чиқди.

Евро-2024 саралаш ўйинининг иккинчи таймида Португалия байроғини кўтарган мухлис ҳужумчи Криштиану Роналдунинг ёнига бориб, уни қучоқлаб олди ва кейин унинг олдида тиз чўкиб, таъзим қилди.

Ўрнидан туриб, мухлис яна 38 ёшли футболчини қучоқлаб, кўтарди. У футболчини жойига қўйиб, ўз суюклисининг гол нишонлаш услубига тақлид қилди. Шундан сўнг ўзини қўриқчилар таъқиб қилаётганини кўриб, қочиб кетди.