МЮ футболчиси Италияга қайтиши мумкин

"Манчестер Юнайтед"нинг нидерландиялик ҳужумчиси Жошуа Зиркзе аввалроқ тўп тепган Италия чемпионатига қайтиши мумкин.

Италия оммавий ахборот воситалари маълумотларига кўра, "қизил иблислар" ҳужумчисини Миланнинг "Интер" клуби ўз сафига қўшиб олиш ниятида. 23 ёшли Зиркзенинг тахминий трансфери 35 миллион еврога баҳоланмоқда.

Жошуанинг манкунианликлар билан тузилган амалдаги шартномаси 2029 йилнинг ярмига қадар мўлжалланган. Нидерландиялик футболчи Англия Премьер-лигасининг жорий мавсумида "Манчестер Юнайтед" сафида 32 та ўйин ўтказди. Ҳужумчи ушбу баҳсларда 3 та гол урди ва 1 та голли узатмани амалга оширди.