Наҳотки?! Роналду "Ал-Наср"га ўтса, Машарипов жамоадан кетади

Сўнгги пайтларда Криштиану Роналдунинг "Ал-Наср"га ўтиши ҳақида турли миш-мишлар кўпайиб бормоқда. Ҳатто, эркин агент мақомида юрган 37 ёшли португалиялик футболчининг Саудия клубидаги либоси суратлари ҳам пайдо бўлди.

Marca нашри тарқатган хабарга кўра, Роналду “Ал-Наср”га ўтган тақдирда, лиганинг молиявий қоидаларини бузмаслик учун клуб уч нафар футболчи билан ҳамкорликни тўхтатиши хабар қилинган. Катта эҳтимол билан Гонсало Мартинес ва ҳамюртимиз Жалолиддин Машарипов “Ал-Наср”ни тарк этади.

Эслатиб ўтамиз, Машарипов Саудия клуби сафида 2021 йилдан буён тўп суриб келмоқда. Унинг клуб билан яна бир йиллик шартномаси мавжуд.