“Наполи” Римда янги бош мураббийни ташлаб кетиб қолди

Италия чемпионатининг навбатдаги турида амалдаги чемпион – “Наполи” футболчилари пойтахтда “Рома” меҳмони бўлди.

Руди Гарсия истеъфога чиқарилганидан кейин “Наполи”ни бошқариб турган Вальтер Маццарри ўйиндан кейин ғалати аҳволга тушиб қолди.

Жамоа автобуси бош мураббийсиз Неаполь шаҳрига жўнаб кетган.

Маццарри учрашувдан кейин интервьюга узоқ вақт сарфлади. Бунинг оқибатида автобусдан қолиб кетди.

Мураббий Неаполга етиб олиш учун такси хизматидан фойдаланишига тўғри келди. Икки шаҳар ўртасидаги масофа 220 километрни ташкил қилади.