“Насаф” тайёргарликни бошлади. Легионерлар бугундан машғулотларга қўшилади

“Насаф” жамоаси қишки тайёргарликларнинг навбатдаги босқичини бошлади. Бу ҳақда клуб расмий сайти хабар бермоқда.

Кечадан клуб базасида йиғилган футболчилар кунига икки маҳалдан машғулотларда иштирок этишмоқда.

Сербиялик ҳужумчи Драган Черан ва россиялик ҳимоячи Игорь Голбан бугундан машғулотларга қўшилишади.

Эслатиб ўтамиз, жамоа 31 январ куни Тошкентда ОЧЛ-2017 ўтиш босқичида Бахрайннинг “Ал-Ҳидд” жамоаси билан баҳс юритади.