Навас ёзда "Реал"дан кетади

Мадриднинг "Реал" клуби дарвозабони Кейлор Навас мавсумлар оралиғида жамоани тарк этади. Бу ҳақда Marca нашри хабар тарқатмоқда.

Юқоридаги манбаага кўра “қироллик клуби” раҳбарияти бош мураббий Зинедин Зидандан коста-рикалик посбонга у жамоанинг янги мавсум режаларига кирмаслиги айтишни сўрашган. Таъкидлаш керакки, франциялик мутахассис уни жамоада олиб қолишни хоҳлаётган эди.

Шу тариқа Ла Лиганинг 38-туридан ўрин олган “Реал” ҳамда “Бетис” жамоалари ўртасидаги учрашув Навас учун мадридликлар сафидаги сўнгги учрашув бўлади.