“Навбаҳор” яна 2 нафар футболчи билан шартнома имзолади

Янги мавсумга жиддий тарзда тайёргарлик кўраётган Наманганнинг “Навбаҳор” клуби ўз таркибини кучайтиришда давом этмоқда. Куни кеча тажрибали ҳужумчи Азиз Ибрагимов ва Наманган футболи тарбияланувчиси бўлган маҳоратли форвард Илҳом Алибоев жамоа билан шартнома имзолашди. Мазкур футболчилар янги мавсумни “лочинлар” таркибида ўтказишади. Бу ҳақда клуб матбуот хизмати хабар берди.

Азиз Ибрагимов 1986 йил 21 июлда Тошкентда туғилган. Фаолияти давомида мамлакатимизнинг “Трактор” (Тошкент), “Шўртан” (Ғузор), “Андижон” (Андижон), “Динамо” (Самарқанд), “Бухоро” (Бухоро), Словакиянинг “Слован” (Братислава), Чехиянинг “Богемианс-1905”, “Баник”, “Богемианс”, Хитойнинг “Чиндао Чжуннен”, Эроннинг “Машин Сизи”, Латвиянинг “Спартак” (Юрмала) клубларида тўп тепган. Мазкур футболчи ўтган мавсумни “Бухоро” жамоасида ўтказган.

Шунингдек, у 2007–2011 йилларда Ўзбекистон миллий терма жамоаси таркибида 17 та ўйинда майдонга тушиб, 3 та гол урган.

24 ёшли ҳужумчи Илҳом Алибоев эса ўтган мавсумда Фарғонанинг “Ифтихор” жамоасида тўп тепган.