Неймар: Мени ёқтиришадими ёки йўқ, шу ерда қоламан!

Неймар мухлислар билан муносабатлардаги муаммоларга қарамай, ПСЖда қолиш истагини билдирди.

Эслатиб ўтамиз, май ойида ПСЖ мухлислари Неймарни сотишни талаб қилиб норозилик намойиши ўтказган эди. Ишқибозларнинг бир қисми ҳатто бразилиялик футболчининг уйига клубни тарк этиш ҳақидаги чақириқлар билан боришган.

“Мен ПСЖда (кейинги мавсумда) қолишга умид қиламан. Менинг шартномам бор ва ҳеч ким менга ҳеч нарса демади.

Мухлислар ва футболчи ўртасидаги муносабатлар зўр бўлмаса ҳам, улар менга ёқадими ёки йўқми шу ерда қоламан”, - деди ҳужумчи Caze TV телеканалига берган интервьюсида.