Неймарга қийин бўлди

ПСЖнинг бразилиялик легионери Неймар айни пайтда жароҳатини даволатиш билан банд.

Le Parisien нашрининг ёзишича, айни пайтда тажрибали ҳужумчи ўз юртида ҳордиқ чиқармоқда. Манба Неймар апрель ойи охирида Парижга қайтишини тасдиқлади.

Неймар клубга келгани билан машғулотлар ва ўйинларда қатнаша олмайди. У келаси мавсумга тайёргарлик кўради. Тиззадан олган жароҳатини даволаш учун анча вақт сарфлаши лозим.

31 ёшли футболчи жорий мавсумда ПСЖ сафида 29 та учрашув ўтказиб, жами 18 та тўп киритди ва жамоадошларига 17 та голли пас узатди.

Клуб мутасаддилари 2025 йилнинг ярмигача давом этадиган шартномага эга ўйинчини ёзда сотиб юбормоқчи эди. Бироқ, жароҳат туфайли Неймарга харидор чиқиши амримаҳол.