Ниҳоят, Ибрагимович "Милан"да қолишга рози бўлди

Италиялик журналист Николо Скиранинг маълум қилишича, Златан Ибрагимович “Милан” билан шартномани узайтиришга рози бўлган.

Юқоридаги манбага кўра, 38 ёшли швециялик футболчи янги келишувга биноан “россонерилар”дан йилига 6 млн евро маош ва қўшимча бонуслар олади.

Эслатиб ўтамиз, Ибрагимович “Милан” сафида жорий йилнинг январида “Лос-Анджелес Гэлакси”дан эркин агент сифатида келиб қўшилган эди. У ўтган ярим мавсум давомида А Серияда жами 18 та ўйинда майдонга тушди ва ўз ҳисобига 10 та гол ҳамда 5 та голли узатма ёздириб қўйди.

Златан фаолияти давомида «Барселона», «Интер», «Манчестер Юнайтед», «Ювентус», ПСЖ ва «Аякс» каби клубларда тўп сурган.