Нўъмон Ҳасанов "Хўжанд"дан кетди

1 май куни Тожикистоннинг “Хўжанд” клубига бош мураббий этиб тайинланган ҳамюртимиз Нўъмон Ҳасановнинг у ердаги фаолияти узоққа чўзилмади.

Бугун, 8 июнь куни “Хўжанд” клуби матбуот хизмати Ҳасановнинг жамоа билан хайрлашганини эълон қилди. Бунга мураббийнинг оилавий сабабларга кўра шундай қарорга келингани айтилди.

Нўъмон Нурматович “Хўжанд” бош мураббийи сифатида 6 та ўйин ўтказди. Натижаларга келсак, 1 ғалаба, 1 дуранг ва 4 та мағлубият қайд этилди. Жамоани энди вақтинчалик катта мураббий Фарруҳ Марофиев бошқариб туради.

Қолаверса, хабарда “Хўжанд” клуби Нўъмон Ҳасановга миннатдорчилик билдириб, мураббийнинг кейинги фаолиятига омад тилади.

Фикрлар

Фикр қолдириш учун авторизациядан ўтинг!