"Ноттингем Форест" футболчисига нарх белгилади

"Ноттингем Форест" футболчиси Эллиот Андерсон қишда фаолиятини бошқа жамоада давом эттириши мумкин. Бу ҳақда "Daily Mail" нашри хабар бермоқда.

Манбада ёзилган маълумотга кўра,"ўрмончилар" Эллиот учун 114 миллион евродан бошланадиган таклифларни кўриб чиқишга тайёр эканлигини маълум қилган. Англиялик хавбекнинг хизматларидан ҳозирда "Манчестер Юнайтед", "Манчестер Сити" ва "Ливерпуль" клублари қизиқиш билдирмоқда.

23 ёшли футболчининг айни вақтда "Трансфермаркт" порталидаги нархи 45 миллион еврони ташкил этади.

Эслатиб ўтамиз, Андерсон жорий мавсум "Ноттингем" сафида 16 та учрашувда майдонга тушишга эришди. Шу учрашувларда у 1 та гол ва 1 голли узатмани ўз номига ёздириб қўйди.