ОАВ: Зинченко "Манчестер Сити" билан шартномасини 5 йилга узайтирди

"Манчестер Сити" клуби ҳимоячиси Александр Зинченко яна АПЛда тўп суришда давом этади.

Хориж ОАВлари тарқатган хабарга кўра 22 ёшли украиналик футболчи “шаҳарликлар” билан шартномасини 5 йилга узайтирган. Англия чемпиони ушбу хабарни бугун расман эълон қилиши кутилмоқда.

Таъкидлаш керакки, унинг аввалги келишуви 2020 йилга қадар тузилган эди.

Маълумот учун, Зинченко “Манчестер Сити” сафида 2016 йилдан буён тўп суриб келмоқда. У ўтган мавсум 29та ўйинда майдонга тушди ва 1та гол ҳамда 5та голли узатма ёздириб қўйишга эришди.

Фикрлар

Фикр қолдириш учун авторизациядан ўтинг!