Обамеянг қайтди

Бугун Европада трансфер ойнаси ёпилади. Шу боис, сўнгги дақиқаларда бир қанча кутилган ва кутилмаган трансферлар амалга оширилади. Улардан бири - Обамеянг. Маълумотларга кўра, "Барселона" ва "Челси" габонлик футболчи билан келишувга эришган. 

Айни дамда форвард тиббий кўрикдан ўтиш учун Лондонда бўлиб турибди. "Sky Sports" нашри мухбири габонлик билан қисқа вақт интервью олди.

- Мен Англияга қайтдим, - деди футболчи.

Шунингдек, 33 ёшли футболчи 2013 йилдан 2018 йилгача "Боруссия" Дортмундда бирга ишлаган ва ҳозирда "Челси" бош мураббийи ҳисобланган Томас Тухель билан яна йўллари кесишганидан мамнунлигини ҳам билдирган. Маълумотларга кўра, Обамеянгнинг трансфер нархи 18 миллион еврога баҳоланмоқда.