Обамеянгга нима ваъда қилишяпти?

"Арсенал" клуби ўзининг габонлик ҳужумчиси Пьер-Эмерик Обамеянг билан амалдаги шартномани узайтириш бўйича музокараларни бошлаб юборгани ҳақида хабар бериб ўтган эдик.

Италиялик журналист Никола Скира ўз твиттер саҳифасида ушбу шартнома шартлари ҳақида маълумот берди. Унга кўра, “канонирлар” 30 ёшли футболчи учун 2023 йилгача шартнома ва йилига 12 млн евро маош таклиф қилмоқда.

Обамеянг жорий мавсум “Арсенал” сафида 32 та ўйинда майдонга тушди ва 20 та гол ҳамда 1 та голли узатма ёздириб қўйди. Унинг клуб билан амалдаги шартномаси эса 2021 йилга қадар имзоланган.