"Олтин тўп" учун даъвогарлар рейтингги янгиланди

Нуфузли"Goal" портали 2025 йил "Олтин тўп" учун асосий даъвогарлар рейтингини янгилади. Рўйхатнинг биринчи поғонасида "Ливерпуль" ҳужумчиси Муҳаммад Салоҳ жой олган – у жорий мавсумда 32 та гол ва 22 та голли узатма амалга оширган.

Иккинчи ўринда Килиан Мбаппе, у "Реал" сафидаги дастлабки ўйинларида бироз қийналди, аммо кейинчалик яхши спорт формасига кириб, жамоага натижаларга эришишда ёрдам бермоқда. Кучли учликни эса "Барселона" вингери Рафинья якунлаб беради.

Топ-10 рейтинг қуйидаги футболчилар билан давом этади: Ламин Ямал, Харри Кейн, Роберт Левандовски, Винисиус Жуниор, Жуд Беллингем, Жамал Мусиала ва Педри.

Эслатиб ўтамиз, 2024 йил "Олтин тўп" соврини Родрига насиб этган эди.