Ўн бир нафар дзюдочимиз Осиё чемпионатининг медаллари учун татамига чиқади

Индонезия пойтахти Жакарта шаҳрида ёшлар ўртасида ўтказилаётган Осиё чемпионатининг биринчи кунги саралаш баҳслари якунига етди. 

Бугун ўғил болалар ўртасида -60, -66, 73 кг, қизларда эса -48, -52, -57 ва -63 кг вазн тоифаларида ғолиб ҳамда совриндорлар аниқланади. Бугунги беллашувларда Ўзбекистон ёшлар терма жамоасининг 12 нафар дзюдочиси медаллар йўлида баҳсларга киришганди. Улардан 11 нафари кечки финал дастурида Осиё чемпионати медаллари учун татамига чиқиш ҳуқуқини қўлга киритди. 

Еттита вазндан 6 тасида дзюдочиларимиз олтин медал учун курашади. Финал дастури бизнинг вақт билан соат 15:00да бошланади.