Osiyo kubogi. Hindiston - O‘zbekiston bahsiga qancha muxlis tashrif buyurdi?

Osiyo kubogi 2-turidan o‘rin olgan Hindiston - O‘zbekiston bahsi bo‘lib o‘tdi. Unda vakillarimiz yirik 3:0 hisobida raqibdan ustun keldi. 

Termamiz safida dastlab Abbosbek Fayzullaev 4-daqiqada bosh bilan zarba yo‘llab, hisobni ochdi. 18-daqiqada Igor Sergeev darvoza ustunidan qaytgan to‘pni raqib darvozasiga joylab qo‘ydi. Taym so‘nggiga yaqin Nasrullaev yaqin masofadan deyarli bo‘sh qolgan darvozaga zarba yo‘llab, hisobni yirik ko‘rinishga keltirib qo‘ydi. 

Shu tariqa, Katanets shogirdlari 3-tur oldidan guruhdan chiqish uchun imkoniyatlarini yaxshilab oldi. Mazkur o‘yinni tomosha qilish uchun "Ahmad bin Ali" stadioniga 38 491 nafar muxlis tashrif buyurdi. 

Eslatib o‘tamiz, keyingi turda vakillarimiz Avstraliya bilan o‘ynaydi.