Остон Ўрунов Россиянинг бошқа клубига ўтади

“Спартак” ярим ҳимоячиси Остон Ўрунов “Химки”га ўтиши мумкин, деб хабар берди “Eurostavka.ru” нашри.

Манбага кўра, 21 ёшли ўзбекистонлик футболчи Москва яқинидаги клублардан бирига ўтиш учун маошини камайтиришга тайёр.

Қайд этилишича, “Химки” Остон билан шартнома имзолаш учун футболчиларни рўйхатдан ўтказишга қўйилган тақиқ бекор қилинишини кутмоқда.

Ўруновнинг Москва клуби билан шартномаси 2025 йилнинг 30 июнига қадар амал қилади.