Ойбек Қиличев энди "Локомотив"да ўйнайди!

Яқинда Осиё Чемпионлар лигасининг дастлабки плей-офф босқичидан шармандали тарзда чиқиб кетган “Локомотив” клубига яна янги футболчи қўшилди. Ўтган мавсумни “Андижон”да ўтказган ярим ҳимоячи Ойбек Қиличев жорий чемпионатни темирйўлчилар таркибида ўтказиши маълум бўлди.

Клуб ушбу ўйинчи билан мавсум охирига қадар шартнома имзолади. Яқинда “Локомотив”нинг асосий таркиби билан ўринбосарлар жамоаси ўртасида ўтказилган назорат баҳсида Қиличев гол урганини ҳам таъкидлаш жоиз. Футболчи фаолияти давомида "Трактор", "Пахтакор", "Навбаҳор", АГМК ҳамда "Андижон" клубларида тўп сурган.