Ўзбекистон аёллар терма жамоаси сўнгги дақиқаларда урилган гол эвазига Ҳиндистонни мағлуб этди

Ўртоқлик ўйини доирасида Ўзбекистон ва Ҳиндистон аёллар терма жамоаси куч синашди. 5 та гол киритилган баҳсда омад вакилаларимизга кулиб боқди - 3:2.

Ҳамюртларимиз сафида голларга Диёра Хабибуллаева, Людмила Карачик (пенальтидан) ва Камила Зарипова муаллифлик қилди. Рақибларнинг икки голи Грейс Дангмеи ҳамда Индуманти Катиресан ҳисобига ёзиб қўйилди. 

Маълумот ўрнида, Мидори Хонда бошчилигидаги Ўзбекистон аёллар терма жамоамиз 5 апрель санасидан Париж-2024 Олимпия ўйинларининг Осиё қитъаси саралаш босқичи доирасидаги учрашувларда иштирок этади. Унда вакилаларимизга Бутан, Тимор-Леште ва Иордания термалари рақиблик қилади.