Ўзбекистон кубоги. Илк финалчи номи маълум бўлди

Ўзбекистон Coca Cola Кубоги ярим финалининг дастлабки баҳси "Қўқон-1912" ва "Пахтакор" жамоалари ўртасида кечди. Унда меҳмонлар 3:0 ҳисобида ғалаба қозониб, финал йўлланмасини қўлга киритди. 

Биринчи таймда Игорь Сергеев ҳисобни очган бўлса, иккинчи бўлимда Ҳамдамов уни ишончли кўринишга олиб келди. Беллашув якуни арафасида Дердийок ўйиннинг йирик ҳисобда тугашини таъминловчи голни урди. 

Финалнинг иккинчи иштирокчиси Олмалиқда АГМК - "Насаф" баҳси орқали аниқланади. 

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  ГОООООООООООЛЛЛЛЛЛЛЛЛЛЛЛЛЛЛ!!! Дердийок ҳисобни йирик кўринишга олиб келиб қўйди. 

• 90+'
  

  Ўйиннинг асосий вақтига 5 дақиқа қўшиб берилди. 

• 87'
  

  Маликжонов ўрнига Етовқўзиев майдонга тушди. 

• 84'
  

  Машарипов ва Ҳамдамов ўрнига Сидиқов ва Эркинов майдонга туширилмоқда. 

• 80'
  

  Нурматов Азимов ўрнига майдонга тушди. 

• 77'
  

  Машарипов тиббий ёрдам олмоқда. 

• 76'
  

  Холмуҳаммедов огоҳлантирилди. 

• 76'
  

  Сергеев ва Сайфиев ўрнига Дердийок ва Комилов майдонга тушди. 

• 74'
  

  ГООООООООООООЛЛЛЛЛЛЛЛЛЛЛЛЛЛЛЛ!!! Ҳамдамов жарима майдонидаги бўшлиқдан фойдаланиб, гол уриб кетди. 

• 73'

  Машарипов қанотдаги фаоллик эвазига стандартлар ишлашда давом этмоқда. 

• 72'

  Машарипов бурчак зарбаси ишлади. 

• 14'
  

  Маматхўжаев Машариповга ишлатган қўполлиги учун сариқ карточка олди. 

• 69'
  

  Синдаров ўрнига Норбеков майдонга тушмоқда. 

• 68'
  

  Ҳасанов сариқ карточка ишлаб олди. 

• 67'

  Майдон марказида тўқнашув. Ҳакам "Пахтакор" футболчисига карточка кўрсатишни хоҳламади. 

• 67'
  

  Козак ўрнига Собирхўжаев майдонга тушмоқда. 

• 63'

  Холмуҳаммедовнинг жаримадан узатган тўприга шериклари қониқарли зарба йўллай олмади. 

• 62'

  "Қўқон-1912" анча фаоллашди. 

• 58'
  

  Холмуҳаммедовнинг бурчакдан узатган тўпини дарвозабон ушлаб олди. 

• 57'
  

  Козак сариқ карточка ишлаб олди. 

• 57'

  Ҳасановнинг жарима майдонига узатмаси яна муваффақиятсиз. 

• 52'

  Азимовнинг узатмаси Қувватовнинг қўлларига бориб тушди. 

• 50'

  Машарипов жарима майдони ичида йиқилиб тушди. Ҳакам ўрнидан туриши кераклигини айтмоқда. 

• 48'

  Мурод Холмуҳаммедовнинг жарима майдонига узатмасини Қувватов ушлаб олди. 

• 47'

  Акбаровнинг зарбаси ноаниқ кетди. 

• 46'
  

  Иккинчи тайм бошланди. 

• 45'
  

  Танаффус. 

• 45+'
  

  Биринчи таймга 2 дақиқа қўшиб берилди. 

• 45'
  

  Сайфиевга сариқ карточка кўрсатилди. 

• 44'

  Қўқонликлар кўп тўпни йўқотмоқда. 

• 41'

  Ҳасанов ва Азимов бир-бирига ишониб қолиши натижасида хавфли ҳужум йўққа чиқарилди. 

• 40'

  Ҳамробековнинг зарбаси ноаниқ кетди. 

• 39'

  Холмуҳаммедовнинг жарима майдонига узатмаси Қувватовнинг қўлларига бориб тушди. 

• 37'

  Машариповда ҳаммаси жойида. У майдонга қайтди. 

• 35'
  

  Машарипов тиббий ёрдам олмоқда. 

• 33'

  Чераннинг зарбасини Абдуллаев қийинчилик билан қайтарди. 

• 31'
  

  ГОООООООООООООООЛЛЛЛЛЛЛЛЛЛЛЛЛЛЛЛЛ!!! "Пахтакор" ҳисобни очди. Сергеев бурчакдан узатилган тўпни дарвозага жойлаб қўйди. 

• 30'
  

  Сергеевнинг кучли зарбасини Абдуллаев қайтарди. 

• 30'

  Ҳамробековнинг зарбаси ҳимоячиларга тегиб қайтди. 

• 27'

  Сергеевнинг бош билан берган зарбаси ҳимоячига тегиб қайтди. 

• 24'

  Сергеев яна бир вазиятни кўкка совурди. Сайфиев эса тўпга мослаша олмади. 

• 23'

  Синдоровнинг жарима майдонига узатмасини Қувватов ушлаб олди. 

• 22'

  Синдоровнинг зарбаси кучсиз чиқди. Қувватов қийинчиликсиз тўпни эгаллаб олди. 

• 19'

  Алижоновдан ҳужумдаги фол.

• 17'

  "Пахтакор" штурм уюштирмоқда. 

• 16'

  Синдоровнинг узатмаси ўтмади. 

• 15'

  Ҳасанов офсайдда қолиб кетди. 

• 13'

  "Пахтакор"нинг жарима майдонига узатмаси Акбаров томонидан тепиб юборилди. 

• 11'

  "Пахтакор" ҳимояланишга мажбур этилмоқда. 

• 10'

  Ҳасанов бурчак зарбаси ишлади. 

• 9'
  

  Бурчакдан узатилган тўпга Сергеев зарба беришига ҳимоячилар йўл қўймади. 

• 8'

  Азимовдан агрессив ҳаракат. Футболчилар тортишиб кетмоқда. Ҳакам ўз вақтида уларни тинчлантирди. 

• 7'

  Ҳасановнинг зарбаси Суюнов томонидан қайтарилди. 

• 6'

  Машариповнинг жарима майдонига узатган навбатдаги тўпи зарбага айланиб кетди. Тўп устунга тегиб қайтди. Сергеев зарба бера олмади. Акбаров тўпни тепиб юборди. 

• 4'

  Машариповнинг жаримадан узатган тўпини шериклари бош билан аниқ дарвозага йўллай олмади. 

• 3'

  "Шерлар" қисқа пасларда ўйнамоқда. 

• 2'

  Дастлабки дақиқаларда "Пахтакор" тўп назоратини қўлга олишга интилмоқда. 

• 1'
  

  Ўйин бошланди. 

• 0'

  Футболчилар майдонда саф тортмоқда. 

• 0'

  Жамоалар майдонга тушиб келишмоқда. 

• 0'

  Ассалому алайкум, азиз футбол мухлислари. Ўзбекистон кубоги ярим финали бошланмоқда. Матнли трансляцияни Абдулвосид Валихонов олиб боради.