Ўзбекистон МТЖнинг яна бир футболчиси учун Осиё кубоги тугадими?

Австралияга қарши учрашув олдидан ташкил этилган матбуот анжуманида Ўзбекистон миллий терма жамоаси бош мураббийи Сречко Катанец шогирди Шерзод Насруллаев бўлажак баҳсни ўтказиб юборишини айтди. Мураббий бунинг сабабини айтмади. 

SPORTS.uz сайти футболчининг саломатлиги борасида унинг ўзидан маълумот олди. Насруллаевнинг билдиришича, у Дубайдаги йиғин чоғида белини шамоллатиб олган. Қатардаги Осиё Кубоги учрашувларида оғриқ билан майдонга тушган. Шу боис Шерзоднинг белидаги оғриқ жиддийроқ безовта қилгани боис Ҳиндистон билан ўйинда ўзини алмаштиришни мураббийдан сўраган.

Шунинг учун ҳимоячи Австралияга қарши учрашувни ўтказиб юборади. Унинг ҳозирча, қачон майдонга қайтиши сўроқ остида.

Эслатиб ўтамиз, ундан аввалроқ, Элдор Шомуродов, Ҳусниддин Алиқулов, Ҳожиакбар Алижонов жароҳат олганди.