Ўзбекистон терма жамоасининг Осиё кубоги учун қайдномаси эълон қилинди

Ўзбекистон миллий терма жамоаси 12 январь куни Қатар мамлакатида старт оладиган Осиё кубогига тайёргарлик кўришда давом этмоқда.

2 январь куни жамоамиз турнирга сўнгги тайёргарлик жараёнини ўтказиш учун Доҳага йўл олади. 7 январда Ўзбекистон терма жамоаси Фаластинга қарши ёпиқ машғулот ўйинини ўтказиши режалаштирилган.

Сречко Катанец бошчилигидаги мураббийлар штаби томонидан Осиё кубоги олдидан терма жамоамизнинг 28 кишидан иборат рўйхати шакллантирилди. Ушбу таркиб Қатарга йўл олади ва улардан 26 нафари турнирда иштирок этади.