«Пахтакор-79» жамоаси хотирасига бағишланган учрашув йилнинг энг муҳим 50 тадбири қаторидан жой олди

Ўтган йили ўша жамоани ёдга олиш мақсадида ишланган "Самода абадий қолган юлдузлар" бадиий-ҳужжатли фильми намойиш этилди. Уни нафақат Ўзбекистонда, балки хорижда ҳам кўплаб инсонлар томоша қилди.

Тошкентда "Пахтакор-79" номли кўча пайдо бўлди. Жамоат транспортлари, метро, шаҳар кўчаларида афсонавий жамоага бағишланган баннерлар жойлаштирилди.

⚽️ 11 август куни "Пахтакор" стадионида Ўзбекистон ва собиқ СССР юлдузлари иштирокида учрашув ўтказилди.

Мамлакатимизнинг барча вилоятларида, Россиянинг Петропавловск, Нижневартовск, Липецк шаҳарлари, шунингдек, АҚШда болалар ва фахрийлар ўртасида ўша жамоа хотирасига бағишланган турнир ҳамда ўйинлар ташкил қилинди.

Миллий телеканаллар, Грузия, Украина, Россия ва Қозоғистон телевидениеларида тадбирга бағишланган кўрсатув ҳамда лавҳалар намойиш этилди.

Булар эътиборсиз қолмади ва Myday Special журнали томонидан санъат, маданият, спорт ва бизнес, турли соҳа вакиллари иштирокида ўтказилган овоз бериш якунларига кўра, йилнинг энг муҳим 50 воқеаси қаторидан ўрин олди.

Myday Special журналининг якуний сони тақдимотига "Пахтакор" ФК бошг директори Дмитрий Адисман ташриф буюрди. Унга эса журнал таҳририяти миннатдорчилик сифатида махсус сонни тақдим этишди.