"Пахтакор" мураббийи бу борада иккинчи!

Ўзбекистон Суперкубоги доирасидаги "Пахтакор" ва "Насаф" ўйини бўлиб ўтди. Унда "шерлар" 1:0 ҳисобида ғалаба қозониб, чемпионга айланди.

Маълумот учун, Славче Войнески Ўзбекистон Суперкубогини ютган 2-хорижлик бош мураббийга айланди. Славчедан аввал Питер Хюстра бу ишни уддалаган эди.

Қолаверса, шимолий македониялик мутахассис баҳсдан кейинги матбуот анжуманида  фаолияти давомида илк бор Суперкубокни қўлга киритганини айтди.