Погба: "Барселона"ни доимий кузатиб бораман

"Манчестер Юнайтед" клуби ярим ҳимоячиси Поль Погба “қизил иблислар”нинг ЕЧЛ чорак финалидаги рақиби "Барселона" ҳақида ўз фикрини билдириб ўтди.

“Мен “Барселона”ни доимий кузатиб бораман. Улардан ҳар доим янги нарсаларни ўрганиш мумкин. “Барселона”нинг ўйин услуби менга янгилик беради. Бу дунёнинг энг зўр жамоаларидан бири, бу ерда топ даражадаги футболчилар ўйнашади.

“Барселона” билан ўйиндан завқ оламан деб умид қиламан. Чунки, дунёнинг энг зўр футболчиларига қарши ўйнаш ҳамиша ёқимли”, - дейди франциялик футболчи.

Эслатиб ўтамиз, "Манчестер Юнайтед" - "Барселона" жамоалари ўртасидаги дастлабки баҳс 10 апрель, жавоб ўйини эса 16 апрель куни бўлиб ўтади.