Погба янги жамоа танлади. Бу “Реал” ҳам, ПСЖ ҳам эмас!

“Манчестер Юнайтед” ярим ҳимоячиси Поль Погба мавсум якунланиши билан Англия тарк этишга қарор қилди.

Sport Italia нашри журналисти Руди Галеттининг маълум қилишича, франциялик юлдуз “Ювентус”га қайтишга қарор қилган.

“Ювентус” раҳбарияти жамоани кучайтириш мақсадида Погбани ўз сафига қўшиб олишга қарши эмас. Туринликлар қимматбаҳо футболчи учун йилига 12 миллион евро маош тўлашга розилик берган ва бунинг учун бир неча ўйинчисини сотиб юборишга тайёр.

Агар “Ювентус” варианти амалга ошмаса, Погба “Реал”га ўтиши мумкинлиги ҳам айтилмоқда. Шунингдек, франциялик футболчи ПСЖ вариантини кескин рад этган.

Эслатиб ўтамиз, Поль Погба 2012-2016 йиллар давомида “Ювентус” шарафини ҳимоя қилган. “Манчестер Юнайтед” ўз тарбияланувчиси ортга қайтариш учун италияликларга 105 миллион евро тўлаган эди.