ПСЖ - "Манчестер Сити": Маҳрезнинг суперголи "Сити"ни олдинга олиб чиқди! (матнли трансляция)

Ассалому алайкум, қадрли футбол ихлосмандлари! Европа Чемпионлар Лигаси ярим финал босқичидан ўрин олган ПСЖ - "Манчестер Сити" учрашуви сайтимиз орқали матнли трансляция кўринишида эътиборингизга ҳавола этилади.

• 90+5'
  

  Учрашув якунланди! "Манчестер Сити" иродали ғалабани қўлга киритди! Эътиборингиз учун раҳмат!

• 90+4'
  

  Бурчакдан тўпни Бернарду ўйинга киритиб беради.

• 90+2'

  Майдонда кураш жуда жиддий кечяпти! Ўйин борган сари қизимоқда.

• 90+'
  

  Учрашув асосий вақтига 4 дақиқа вақт қўшиб берилди.

• 89'

  Неймар жаримадан тўпни ўйинга киритди, бироқ бесамар.

• 87'

  Фил Фоден яккама-якка вазиятга чиқиб кетди ва зарба берди! Навас тўпни ушлаб олди!

• 86'
  

  Де Брюйне рақибининг оёғини босиб олганлиги боис сариқ карточка билан огоҳлантирилди.

• 84'

  Маҳрезнинг кучли зарбаси ўнг устуннинг ёнгинасидан ўтиб кетди.

• 83'
  

  Почеттино навбатдаги ўзгаришни амалга оширди: Леандро Паредес ўрнига Андер Эррера ўйинни давом эттиради.

• 81'

  Гюндоган кичик жароҳат олган, аммо у ўйинни давом эттира олади. 

• 80'
  

  ПСЖда ўзгариш: Ди Мария ўрнига Данилу ўйинни давом эттирадиган бўлди.

• 78'
  

  Гюндоган оғир жароҳат олган шекилли, у майдонда тиббий ёрдам олмоқда.

• 77'
  

  Гуйе бу фоли учун тўғридан-тўғри қизил карточкага лойиқ кўрилди.

• 75'

  Идрисса Гуйе Гюндоганнинг оёғига ташланди! Бу ўта қўпол фол!

• 74'
  

  Неймар сариқ карточка билан огоҳлантирилди.

• 73'

  Маркиньос борган сари агрессивлашяпти. Кейинги сафар унга карточка кўрсатилиши аниқ.

• 71'
  

  ГОООООООООООООООООЛЛЛ!!! Маҳрез! Фантастик гол! Жонли девор орасидан жой топилди ва тўпи мохирлик билан дарвозага михлаб қўйилди! "Сити" энди олдинда!

• 70'
  

  Леандро Паредес сариқ карточка билан огоҳлантирилди.

• 69'

  Гана Фоденга нисбатан қўпол ўйин намойиш этди. Хавфли жарима зарбаси бўлиши мумкин...

• 68'
  

  Зинченко офсайд ҳолатида қолиб кетди.

• 66'

  "Сити" голдан кейинги хуш кайфиятда кетма-кет ҳужумларни уюштиришда давом этмоқда.

• 65'
  

  ГОООООООООООООООООООООООООЛЛЛ!!! Де Брюйнее! Маэстро ҳисобни тенглаштирди! Ана энди ўйин қизийди!

• 64'
  

  Бернарду Силва бурчакдан тўпни ўйинга киритиб беради.

• 63'

  Кайл Уокернинг саъй-ҳаракатлари эвазига бурчак тўпи ишлаб олинди.

• 61'
  

  "Сити"да дастлабки ўзгариш: Канселу ўрнига Зинченко ўйинга қўшилди.

• 60'

  Де Брюйненинг уринишлари бесамар кетди.

• 58'

  Битта калит пас билан Мбаппе олдинга ташланди! Бироқ Эдерсон анча олдинга чиқиб келди ва тўпни узоқлаштирди.

• 57'

  Маҳрез жарима майдончаси чизиғи яқинида йиқилиб тушди. Унинг жамоадошлари ҳакамдан фол талаб қилди, бироқ Феликс Брихт ҳозирча жим.

• 56'
  

  Бурчак тўпидан сўнг хавфли вазият юзага келмади.

• 55'

  Уххх! Мбаппе жарима майдончаси ичида дриблинг амалга оширди ва тўпни узатди! Бироқ Верраттининг оёғи тўпга етмай қолди! Бурчак тўпи.

• 54'

  Парижликлар ўз жарима майдони атрофида бир-бирига тўпни ошириб вақт ўтказишяпти.

• 53'

  Канселунинг жарима майдончаси ичига оширган тўпини Навас ушлаб олди.

• 52'

  Ўйин темпи юқори.

• 51'

  "Сити"нинг позицион ҳужуми Де Брюйненинг кераксиз вазиятдаги фоли сабабли тугатилди.

• 50'

  "Сити" сўнгги 5 дақиқа ичида тўпни назорат қилиб турибди.

• 48'

  Де Брюйне қанотдан тўпни ичкарига узатди, бироқ тўп ҳимоячига тегиб қайтди.

• 47'

  Митчелл Баккер қўпол ўйнади. "Сити" жарима зарбасини ижро этади.

• 46'
  

  Иккинчи бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим якунланди! Танаффус.

• 45+'
  

  Биринчи бўлимга 1 дақиқа вақт қўшиб берилди.

• 44'

  "Ман. Сити" ўз майдонидан позицион ҳужумни бошламоқда.

• 42'

  Мбаппе қанотдан ҳужум уюштирмоқчи эди, бироқ Канселу ҳужумни тўхтата олди.

• 41'
  

  Фоден жарима майдончаси ичида ута қулай позициядан туриб зарба берди, Навасдан суперсейв! Қойил...

• 40'

  "Сити" жарима майдончаси ичида палапартиш вазият, Неймар йиқилиб тушди, Эдерсон тўпни ушлаб олди! Ҳакам жим.

• 39'

  Неймар майдонда ётибди, унга тиббий ёрдам керакка ўхшайди. Қоидани Канселу бузган. Унда шундоғам сариқ карточка бор эди...

• 38'
  

  Де Брюйненинг ўзи бурчак тўпини ижро этди, бироқ хавфли ҳужум юзага келмади.

• 37'

  Де Брюйне жарима майдончаси ичига ёриб кирди ва тўпни ичкарига узатди, ҳимоячилар тўпни бурчакка чиқариб юборди.

• 36'

  Умумий вазиятлар статистикаси: 9-2!

• 35'

  Прессингга асосланган ўйини Почеттинонинг асосий режаси эканлиги ойдинлашди. Оқилона режа.

• 34'

  "Сити" рақибларини тез ўтказиб юборяпти...

• 33'

  Парижликлар хавфли ҳужум ташкил этишди, кетма-кет зарбалар ҳимоячилар туфайли қайтарилмоқда! Энг хавфлиси Мбаппе ва Баккер ижросидагиси!

• 32'

  Жарима майдони марказига узатилган тўпни Маҳрез боши билан дарвозага тўғирлади, тўп қайтарилди. Бернарду йиқитилди, ҳакам фол йўқлигига ишора қилди.

• 31'
  

  Жоау Канселу Мбаппени очиқчасига йиқитиб юборди ва сариқ карточка билан огоҳлантирилди.

• 30'

  Де Брюйненинг айланма кроссини Навас муштлари билан узоқлаштириб юборди.

• 29'

  Маҳрезнинг дриблингчилиги унга доимий равишда фол ишлатилишини таъминлайди. Бу сафар Баккер айбдор.

• 27'

  Неймарнинг узатмасини Паредес боши билан яқин бурчакка йўллади, бироқ тўп устуннинг ёнгинасидан ўтиб кетди! Бироз аниқлик етишмади.

• 26'
  

  Дарвозага тўғридан тўғри зарба берган Ди Мария навбатдаги бурчак тўпини ишлаб берди. Неймар бу сафар ижрода.

• 26'
  

  ПСЖ навбатдаги бурчак тўпини ишлаб олди.

• 25'

  ПСЖнинг тезкор қарши ҳужуми секинлик билан позицион ҳужумга айланиб кетди.

• 24'

  Ўйин бир хил темпда давом этмоқда. ПСЖ кичик имконият бўлиб қолса ҳам бор кучи билан олдинга ташланмоқда.

• 22'

  Флоренци Родрига нисбатан фол ишлатди.

• 21'
  

  Бурчак тўпидан Гвардиола шогирдлари унумли фойдалана олишмади.

• 21'
  

  Бернарду бир амаллаб дарвозага тўпни йўллади, Навас реакция кўрсатиб тўпни қайтарди!

• 20'

  Де Брюйненинг қанотдан амалга оширган кроссини ҳимоячилар қайтарди.

• 19'

  "Шаҳарликлар" тизим бўлиб ҳаракатланяпти. Голдан олдинги ва кейинги ҳаракатлар бир хил.

• 18'

  Неймар майдон марказига яқин ҳудудда Маҳрезни очиқчасига йиқитди. Жарима зарбаси.

• 16'

  Голдан сўнг "Сити" хушёр тортди. Ҳозирча улар парижликлар ҳимоясини ёриб кира олишолмаяпти.

• 15'
  

  ГОООООООООООООООООООООЛЛЛ!!! Маркиньос бурчакдан узатилган тўпни боши билан дарвозага жойлаб қўйди! Ҳисоб очилди! 1-0!

• 14'
  

  Ди Мария бурчак тўпини ижро этади.

• 13'
  

  Неймарнинг бир ўзи 2-3 ҳимоячини алдаб ташлади! Бироқ якунда ҳимоячилар ютиб чиқишди.

• 12'
  

  Рикошетли суперсейв! Неймардан классика ва Эдерсондан фантастика! Навбатдаги бурчак зарбаси.

• 11'
  

  Ди Мария тўп учун охиригача курашди ва жамоасига бурчак тўпи ишлаб берди. Неймар уни ижро этади.

• 10'

  "Сити" қарши ҳужумга ўтиб кета олмади.

• 9'

  Майдон марказида тўп учун кураш жиддий кечди, якунда Уокер паредесни қўполлик эвазига тўхтатди.

• 7'

  ПСЖ иккинчи жамоа бўлиб ўйнамоқда, дастлабки декада қарши ҳужум тактикасида бўлиб турибди.

• 6'

  ПСЖ ҳимоячисининг хатоси қимматга тушиши мумкин эди! Бироқ тўпга тажрибали Навас биринчи етиб келди.

• 5'

  "Манчестер Сити" позицион ҳужумини давом эттирмоқда.

• 4'

  Қанотдан ПСЖ уюштирган ҳужум кросснинг ноаниқлига сабаб тўхтаб қолди.

• 3'

  Де Брюйне ПСЖнинг ҳужумига жавоб қайтарди, бироқ ижрога аниқлик етишмади.

• 2'

  Биринчи хавфли ҳужум! Мбаппенинг узатмасини Неймар аниқ тарзда дарвозага йўллади, бироқ бу зарба Эдерсон учун қийинчилик туғдирмади.

• 1'

  Илк дақиқалардан Неймар уюштирган ҳужум фол билан якунланди. Ҳужумда фол.

• 1'
  

  Ҳакам хуштаги янгради ва учрашувга старт берилди!

• 0'

  Футболчилар майдонга чиқиб келишмоқда.

• 0'

  Учрашув бошланишига саноқли дақиқалар қолди. "Парк де Пренс" стадиони ўйинни қабул қилишга шай!

• 0'

  Ассалому алайкум, қадрли футбол ихлосмандлари! Бугун Европа Чемпионлар Лигасининг 2-ярим финал баҳси бўлиб ўтади. Франциянинг "Пари Сен-Жермен" клуби ўзига ўхшаш шайхлар клуби бўлмиш Англиянинг "Манчестер Сити" клубини қабул қилади.