ПСЖ ақлбовар қилмас сумма эвазига Мбаппени олиб қолмоқчи

ПСЖ франциялик ҳужумчи Килиан Мбаппега янги шартнома таклиф қилди. Бу ҳақда "Le Parisien" нашри журналисти Адриен Гренье хабар бермоқда. 

Манбанинг маълум қилишича, парижликлар 23 ёшли футболчига 2024 йилгача мўлжалланган шартнома ҳамда йиллик 50 миллион евро маош таклиф қиляпти. Шунингдек, Килиан ушбу шартга рози бўлса, содиқлик бонуси сифатида 100 миллион евро олади. 

Жорий мавсум француз Лига 1 доирасида 24 та учрашувда иштирок этиб, 14 та гол ҳамда 10 та голли узатма муаллифига айланди.