Франциянинг ПСЖ клуби форварди Адриен Рабио янги мавсумни Италия А Сериясида давом эттириши мумкин.

Амалдаги шартномаси 2019 йилнинг ёзида якунига етадиган Рабио ҳозирча парижликлар билан келишувни узайтириш борасида музокаралар ўтказмаяпти. Ушбу имкониятдан эса Миланнинг “Интер” клуби унумли фойдаланиб, уни имкон қадар арзонроқ маблағга сотиб олмоқчи.

Рабионинг “Интер”га кўчиб ўтиши учун “нерадзуррилар” Чемпионлар лигаси йўлланмасини қўлга киритишлари лозим.

Ушбу футболчига шунингдек Туриннинг “Ювентус” клуби ҳам жиддий қизиқиш билдира бошлади.