ПСЖ Мбаппе бўйича супертаклиф олди

“Ливерпуль” раҳбарияти Килиан Мбаппени олиш бўйича амалий ҳаракатларни бошлади.

Таниқли журналист Эду Агирре Англия клуби Килиан Мбаппе трансфери учун ПСЖга 200 миллион евро таклиф қилганини маълум қилди.

Маълумотларга қараганда, томонларнинг музокараси ҳозирча тез ва ижобий давом этмоқда.

ПСЖнинг асл мақсади Килиан Мбаппе билан ҳамкорликни 2025 йилгача узайтириш. Агар 24 ёшли ҳужумчи икки ҳафта ичида бунга кўнмаса, тезроқ уни сотиб юбориш талаб этилади.

Мбаппенинг ўзи бир йил ПСЖда қолиб, 90 миллион евро содиқлик бонуси ва 60 миллион евро маошини олганидан кейин “Реал”га эркин агент сифатида ўтиб кетмоқчи.