ПСЖ Мбаппе ўрнини эгаллайдиган юлдуз топиб қўйди

ПСЖ барибир Килиан Мбаппени ушлаб қололмаслигини тан олди. 24 ёшли ҳужумчи келаси йили эркин агентга айланиши билан Мадридга йўл олади.

Парижликлар Мбаппе ўрнига А Серияда тўпурарликни қўлга киритган Виктор Осимхенни олиб келмоқчи. ПСЖда нигериялик футболчи ва “Наполи”ни трансферга кўндириш учун вақт етарли.

Чунки Неаполь клуби Осимхен учун 180 миллион евро талаб қилмоқда. Бу нархга футболчи оладиган жамоа топилиши қийин. Келаси йили ёзда Викторнинг шартномаси якунланишига бир йил қолади ва вазият ўзгариши, нарх тушиши ҳақиқатга яқин.

ПСЖ Виктор Осимхен учун 120 миллион евро беришни кўзлаяпти.