ПСЖ Мбаппенинг дўстларидан ҳам воз кечди

ПСЖ раҳбарияти клуб билан зиддиятга борган Килиан Мбаппе туфайли жамоа сардори Маркиньосни ҳам сотиб юборишга қарор қилди.

Манбаларнинг таъкидлашича, бразилиялик футболчи журналистларга берган интервьюсида Мбаппенинг ўта иқтидорли футболчи эканини ва унинг жамоада қолишини исташини айтган эди.

Жамоа сардорининг интервьюда  24 ёшли ҳужумчини қўллаб-қувватлагани клуб раҳбариятининг ғазабига сабаб бўлган.

Энди ПСЖ яхши таклиф бўлса, Маркиньосни ҳам сотиб юборадиган бўляпти. Бу футболчи Париж клубида 2013 йилдан бери ўйнаб келмоқда. Унинг амалдаги шартномаси 2028 йилнинг ёзигача амал қилади.