ПСЖ Мбаппенинг нархини маълум қилди

ПСЖ Килиан Мбаппени қанчага сотмоқчи эканлигини маълум қилди. 

"L'Équipe" хабарига кўра, парижликлар 2017 йилда "Монако"дан 180 миллион евро эвазига сотиб олинган ҳужумчи учун камида 150 миллион евро талаб қилади. 

ПСЖ жиддий қарор қабул қилган. Мбаппе ё шартномани узайтиришга рози бўлиши ёки кетиши керак. Клуб ҳужумчини Япониядаги мавсумолди турнеси учун таркибдан чиқариб ташлади. 

Аввалроқ, ПСЖ Мбаппени 1 август куни сотувга қўйиши маълум бўлганди. Июль ойи охиригача футболчи шартномани бир йилга узайтириш вариантини фаоллаштириш ҳуқуқига эга.