ПСЖ Навас учун "Реал"га қанча тўлайди?

ПСЖ клуби “Реал” Мадрид дарвозабони Кейлор Наваснинг трансфери учун қанча маблағ сарфлаши маълум бўлди.

El Chiringuito нашри тарқатган хабарга кўра парижликлар 32 ёшли коста-рикалик посбон учун мадридликларга 13 миллион евро тўлашади. Навас эса янги жамоаси билан 2023 йилга қадар шартнома имзолайди.

Маълумот учун, Кейлор Навас “Реал” сафида 2014 йилдан буён тўп суриб келмоқда. У ўтган давр мобайнида жами 162та ўйинда майдонга тушди ва ўз дарвозасидан 159та гол ўтказиб юборди.