ПСЖ ўз уйида очко йўқотди

Франция 1-дивизиони 12-туридан ўрин олган ПСЖ - "Бордо" учрашуви ўз якунига етди. Унда жамоалар 2:2 ҳисобида дуранг натижа қайд этишди. 

Дастлаб, Пембеле ўз дарвозасини ишғол қилиб, парижликларни қийин аҳволда қолдирди. Биринчи тайм якунигача Неймар ва Кин гол урган ҳолда, ҳисобдаги устунликни мезбонлар томонига оғдирди. 60-дақиқада Адли ҳисобни тенглаштиришга муваффақ бўлди ва бу учрашувдаги сўнгги гол бўлиб қолди. 

Ушбу ўйиндан сўнг, Тухель шогирдлари 25 очко билан 1-поғонада қоладиган бўлишди. Бордоликлар эса 11-ўринга кўтарилиб олишга эришди. 

• 90'
  

  Учрашув якунланди. Матнли трансляцияни Абдулвосид Валихонов олиб борди. 

• 90+'
  

  Пембеле сариқ карточка ишлаб олди. 

• 90+'
  

  Ўйиннинг асосий вақтига 3 дақиқа қўшиб берилди. 

• 88'

  Ди Мария сўнгги дақиқаларнинг энг фаол ўйинчиси бўлиб турибди. 

• 85'
  

  Паредес ўрнига Икарди майдонга тушди. 

• 81'

  Баккер ўз жарима майдони яқинида фол ишлатди. 

• 77'

  Неймарнинг зарбасини Костиль чиройли тарзда бартараф этди. 

• 76'

  Зарбалар статистикаси 8:2. ПСЖ фойдасига. 

• 73'

  Хатем Бен-Арфа бурчак зарбасини муваффақиятсиз амалга оширди. 

• 70'
  

  Бурчакдан узатиб берилган тўпга Мойзе Кин йўллаган зарба ноаниқ кетди. 

• 67'

  Отавио ҳужумда фол ишлатди. 

• 64'
  

  Рафинья ва Вератти захирага олинади. Улар ўрнида Ди Мария ҳамда Эррера ҳаракат қилади.

• 61'
  

  ГООООООООЛЛЛЛЛЛЛЛЛЛЛЛ!!! Ясин Адли ҳисобни тенглаштирмоқда. 

• 58'
  

  Рафинья бурчак зарбасидан тўпни узатди. Ҳимоя ўз ўрнида. 

• 57'

  Баккернинг жарима майдонига узатган тўпи ҳимоячилар томонидан осонлик билан қайтарилди. 

• 55'
  

  Мбаппенинг зарбаси дарвозабон томонидан қайтарилди. 

• 54'
  

  Парижликлар бурчак зарбасини қисқа паслар орқали ўйнаб кетди. 

• 51'
  

  Бен-Арфанинг бурчак узатмасини Байс дарвозага аниқ йўллай олмади. 

• 48'
  

  Мбаппенинг голи офсайд сабаб бекор қилинди. 

• 46'
  

  Иккинчи тайм бошланди. 

• 45'
  

  Танаффус.

• 45+'
  

  Биринчи таймга 1 дақиқа қўшиб берилди. 

• 43'

  Рафиньянинг ўрта масофадан йўллаган зарбаси у қадар кучли чиқмади. 

• 40'
  

  Рафинья амалга оширган бурчак зарбаси ҳимоячилар томонидан осонлик билан қайтарилди.

• 36'
  

  Зарканнинг зарбасини Рико бир амаллаб қайтарди. 

• 34'

  Мбаппенинг жарима майдони ичидан берган зарбаси кучсиз чиқди. 

• 31'

  Мбаппенинг яна бир рейди ҳимоячилар томонидан тўхтатилди. 

• 28'
  

  ГООООООООООЛЛЛЛЛЛЛЛЛЛЛЛ!!! Кин дарҳол жамоасини ҳисобда олдинга олиб чиқди. 

• 27'
  

  ГООООООООООООЛЛЛЛЛЛЛЛЛЛЛЛЛЛЛ!!! Неймар 11 метрлик нуқтадан адашмади. 

• 26'
  

  Отавио сариқ карточка ишлаб олди. 

• 26'

  ВАР пенальти белгилади. Неймар тўп олдига яқинлашмоқда. 

• 24'

  ПСЖ футболчилари ҳакамдан пенальти талаб қилмоқдалар. ВАР қарорини кутамиз. 

• 20'

  Мбаппенинг зарбаси дарвоза устидан ўтиб кетди. 

• 18'

  Сабалининг узатмаси ҳимоячилар томонидан қайтариб юборилди. 

• 15'

  Мбаппенинг юриши энг сўнгги паллада тўхтатиб қолинди. 

• 13'
  

  ПСЖ бурчак зарбасидан фойдалана олмади. 

• 10'
  

  ГООООООООООООЛЛЛЛЛЛЛЛЛЛЛЛЛЛЛЛЛ!!! Жош Маджа аниқ зарба йўллаб, Рико дарвозасини ишғол қилди. 

• 8'
  

  Бурчак зарбаси парижликларга наф келтирмади. 

• 7'

  Мбаппенинг жарима майдонига узатган тўпини ҳимоячилар тепиб юборди. 

• 5'

  Флоренци тўпни жарима майдонига ташлаб берди. Аммо бу рақиб дарвозасига хавф туғдирадиган даражада муваффақиятли чиқмади. 

• 3'
  

  Неймар офсайдда қолиб кетди. Ёрдамчи ҳакамлар буни маълум қилди. 

• 2'

  Мойзе Киннинг зарбаси ҳимоячиларга тегиб, майдонни тарк этди. 

• 1'
  

  Ўйин бошланди. 

• 0'

  Жамоалар майдонга тушиб келишмоқда. 

• 0'

  Ассалому алайкум, азиз футбол мухлислари. ПСЖ - "Бордо" учрашуви бироздан сўнг бошланади. Матнли трансляцияни Абдулвосид Валихонов эътиборингизга ҳавола этади.