ПСЖ президенти Клублар ўртасидаги ЖЧ ҳақида тандиқий фикрлар билдирдими?

Франциянинг ПСЖ клуби президенти Носир Ал-Хелайфи АҚШда ўтаётган Клублар ўртасидаги Жаҳон чемпионати — 2025 ҳақида ўз фикрларини билдирди. Унинг сўзларига кўра, мусобақа футбол учун катта имкониятлар яратмоқда.

"Бундай кўламдаги турнирларда албатта муаммолар юзага чиқиши мумкин. Аммо умумий ҳолат яхши. Бу футбол учун янги бозор, жумладан, бизнинг клуб учун ҳам. Турнирни танқид қилганларни тушунмайман — бизга ижобий фикрлаш керак" — деди Ал-Хелайфи "RMC Sport" нашрига.

Эслатиб ўтамиз, ПСЖ чорак финалда "Бавария"ни 2:0 ҳисобида мағлуб этди. Ярим финалда эса Луис Энрике бошқарувидаги жамоа Мадриднинг "Реал" клуби билан финал йўлланмаси учун тўқнаш келади.