ПСЖ сардори: "Бу мўжиза эмас, биз меҳнат қиляпмиз"

Франция чемпионати 19-тури доирасида ПСЖ меҳмонда "Лорьян" билан муроса кўчасини танлади. Ўйиндан сўнг парижликлар ҳимоячиси Маркиньос ўз фикрлари билан ўртоқлашди:

"Бу мўъжиза эмас, биз меҳнат ва ҳаракат қиляпмиз. Тўп назоратини қўлга оляпмиз. Рақиб хатоларимизни кутди ва қарши ҳужумга таяниб ўйнади. 

Улар кўпроқ гол уриши ҳам мумкин эди. Аммо иккинчи бўлимда бир киши кам бўлиб ўйнаган бўлсак-да, мағлубиятдан қутилиб қолишга муваффақ бўлдик. Танаффусга қадар ҳам имкониятлар яратдик. Агар голни эртароқ урганимизда, бу ўйиннинг боришига таъсир қилган бўларди", - деди бразилиялик футболчи.

Маурисио Почеттино шогирдлари 19-турдан кейин 46 очко тўплаган ҳолда, турнир жадвалида карвонбошилик қилмоқда.