ПСЖ яна Доннарумма мавзусига қайтмоқда

ПСЖ ҳамон "Милан" дарвозабони Жанлуижи Доннаруммани сотиб олиш фикридан қайтмаяпти.

La Gazetta dello Sport нашри тарқатган хабарга кўра, 21 ёшли италиялик футболчи ва Франция чемпиони ўртасидаги музокаралар тез орада бошланади. Ўз навбатида, “Милан” иқтидорли посбонни 50 млн евродан камига қўйиб юбормоқчи эмас.

Бундан аввалроқ, “россонерилар” Доннаруммага 2024 йилгача тузилган шартнома ва йилига 6,5 млн евро маош таклиф қилаётгани ҳақида ҳам хабарлар тарқалган эди.

Жанлуижи Доннарумма “Милан” тарбияланувчиси ҳисобланади. У ўтган давр мобайнида асосий жамоада 203 та ўйинда майдонга тушди ва ўз дарвозасидан 211 та гол ўтказиб юборди. Унинг клуб билан амалдаги шартномаси 2021 йилнинг ёзига қадар имзоланган.