"Qariya" himoyachi yana bir mavsum "Chelsi"da qolmoqchi

"Chelsi" himoyachisi Tyago Silva London klubi bilan shartnomasini uzaytirmoqchi. Bu haqda Daily Express nashri xabar bermoqda.

Yuqoridagi manbaning yozishicha, 36 yoshli braziliyalik futbolchi “aristokratlar” safida yana 1 yil o‘ynashni rejalashtirmoqda. Aytish kerakki, Silvaning shartnomasiga ko‘ra, uning “Chelsi” bilan amaldagi shartnomasi tomonlar roziligi bilan yana 1 yilga uzaytirilishi mumkin.

Tyago Silva joriy mavsum “Chelsi” safida 21 ta o‘yinda ishtirok etdi va o‘z hisobiga 2 ta gol yozdirib qo‘yishga erishdi.