"Қўқон-1912" клуби "Локомотив"нинг ОЧЛ ўтиш ўйинидаги рақиби билан ўйнайди

"Қўқон-1912" жамоаси бугун Тошкент шаҳрида ўқув-йиғин машғулотларини бошлади. 21 январга қадар давом этадиган йиғин давомида мураббийлар бир нечта ўртоқлик ўйинлари ўтказишни ҳам режаларига киритишган. Бу ҳақда клуб матбуот хизмати хабар берди.

Манбанинг маълум қилишича, бу учрашувларнинг дастлабкиси Тожикистон чемпиони, Душанбенинг "Истиқлол" жамоасига қарши ўтказилади. Тожикистонликлар Осиё чемпионлар лигасининг плей-офф босқичидаги дастлабки ўйинини 21 январь куни Тошкентнинг "Локомотив" клуби билан ўтказади.

"Қўқон-1912" - "Истиқлол"(Душанбе) учрашуви 9 январь куни Тошкент шаҳрида бўлиб ўтади.