"Қўқон-1912" Тошкент "Локомотив" ва "Бунёдкор" билан ўртоқлик ўйини ўтказади

Суперлигада юзага келган танаффус туфайли бир неча кун ҳордиқ чиқарган "Қўқон-1912" жамоаси футболчилари Тошкент шаҳрида машғулотларга киришди. Бу ҳақда клуб матбуот хизмати хабар берди.

Қўқонликлар машғулотларида Ўзбекистоннинг турли терма жамоаларига чақирилган футболчилардан ташқари жамоанинг барча аъзолари иштирок этишмоқда.

Тошкентдаги йиғин давомида Азиз Тўхтабоев шогирдлари бир нечта ўртоқлик ўйинларида майдонга тушадилар. Ҳозирча, "Локомотив" ҳамда "Бунёдкор" жамоалари билан бу борада ўзаро келишувга эришилди.